Polşa prezidenti Karol Navrotski artıq neçə həftələrdir ki, telefon zənglərimə cavab vermir.

Bu barədə Polşanın baş naziri Donald Tusk yerli telekanala müsahibəsində bildirib.

“O artıq uzun həftələrdir ki, telefona yaxın durmur. Xarici siyasət məsələsinə gəlincə, mən həqiqətən prezidentlə sıx əməkdaşlıq üçün müəyyən cəhdlər etdim, amma artıq neçə həftədir ki, buna heç bir reaksiya yoxdur, üstəlik telefon zənglərinə də məhəl qoymur”, - baş nazir vurğulayıb.

Tuskun sözlərinə görə, əvvəllər prezidentlə münasibətləri heç də pis olmayıb.

“Ən azından prezident SMS-lərə və ya telefon zənglərinə cavab verirdi”, – deyə hökumət başçısı xatırladıb.

Karol Navrotski avqustun 6-da Polşanın prezidenti olub. Həmin vaxtdan etibarən onun baş nazir ilə münaqişəsi inkişaf etməyə başlayıb. Artıq avqust ayında Tusk yeni prezidentə və onun təşəbbüslərinə münasibətdə “amansız olacağını” vəd edib. Noyabrda isə Navrotski Tusku “1989-cu ildən sonra Polşa tarixində ən pis baş nazir” adlandırıb.

.