“Rusiyanın strateji məqsədi Cənubi Qafqazı stabil və çiçəklənmə zonasına çevirmək, bu prosesə kömək etməkdir”.
Bunu bu gün Rusiya Xarici İşlər Nazirliyinin (XİN) rəsmi nümayəndəsi Mariya Zaxarova mayın 22-də Brüsseldə Aİ, Azərbaycan və Ermənistan liderlərinin son görüşünə münasibət bildirərkən deyib.
Onun sözlərinə görə, bu prosesdə əsas vəzifələrdən biri Bakı ilə İrəvan arasında münasibətlərin kompleks normallaşmasıdır, möhkəm sülhün qurulmasıdır.
XİN rəsmisi qeyd edib ki, bu istiqamətdə səylərin əsası üçtərəfli bəyanatlardır, hansı ki, bu bəyanatlar ardıcıl olaraq icra edilir.
Zaxarova vurğulayıb ki, Rusiya Bakı və İrəvandan olan tərəfdaşlarına nəqliyyat əlaqələrinin bərpa olunması, sərhədlərin delimitasiyası, ictimai dialoqun qurulması və sülh müqaviləsinin hazırlanması daxil olmaqla, bütün treklərdə hərtərəfli yardım göstərir: “Bəli, biz Avropa İttifaqının ali səviyyədə üçtərəfli razılaşmaların icra olunması prosesinə inadkarlıqla müdaxilə etmək cəhdlərini görürük. Ümid edirik ki, Brüssel bu razılaşmaların reallaşmasına kömək edəcək, geosiyasi oyunlar aparmağa cəhd etməyəcək, hansı ki, biz bunu istəmirik”.
Rusiya Azərbaycan-Ermənistan sərhədinin delimitasiyası üzrə ikitərəfli Komissiyanın işinə məşvərətçi yardım etməyə hazırdır.
Bu barədə Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bu gün keçirdiyi brifinqdə bildirib.
“Biz bunu dəfələrlə demişik. Rusiya postsovet məkanında sərhədlərin delimitasiyası, sərhədyanı mübahisələrin nizamlanması sahəsində unikal ekspert potensialına malikdir. Əlbəttə ki, bizim sərəncamımızda lazımi kartoqrafik materiallar var. Öz təcrübəmizi erməni və azərbaycanlı dostlarımızla komissiyanın fəaliyyəti çərçivəsində bölüşməyə şad olacağıq. Bildiyiniz kimi, məşvərətçi yardım göstərmək üçün Rusiyanın ekspert komandası artıq formalaşdırılıb”, - Rusiya XİN sözçüsü qeyd edib.
.
