Qarabağ və Şərqi Zəngəzura səfərimizin birinci gündür, səhər tezdən səfərə başlamışıq. Burada baş verən yenilikləri, inkişafı görmək çox xoşdur.
Bunu Qarabağ və Şərqi Zəngəzura səfər edən Banqladeşdən olan səyyah Raiiq Ridwan deyib.
"Bir qədər əvvəl Azıx mağarasında olduq, tarixi keçmişdən hazırki dövrə nəzər yetirdik. Bu ərazilərin yenidən qurulmasını görmək maraqlıdır. Hadrutda da olduq, gözəl, yaşıllığa qərq olan ərazilər adamı məftun edir", - səyyah bildirib.
Filippindən olan səyyah Jan Vincent Francisco isə deyib ki, 3 gün ərzində region barədə daha çox məlumat əldə etmək və bölgənin tarixi haqqında daha ətraflı öyrənmək istəyir.
