ABŞ prezidenti Donald Tramp Ukrayna prezidenti Volodimir Zelenski ilə Rusiya prezidenti Vladimir Putin arasında görüşün yaxın gələcəkdə baş tutacağına şübhə ilə yanaşır.
Bu barədə “Daily Caller” məlumat yayıb.
Onun iştirakı ilə üçtərəfli görüşə gəlincə, Tramp bunun baş tuta biləcəyinə inanır.
"Üçtərəfli görüş baş tuta bilər. İkitərəfli görüş, mən bilmirəm", - deyə "Clash Report" Trampın sözlərindən sitat gətirib.
Ağ Ev rəhbəri həmçinin Zelenski və Putini bir-birinə nifrət edən və oyun meydançasında dava edən uşaqlarla müqayisə edib.
Kiyevə təhlükəsizlik zəmanətini Avropa verəcək
Ukraynaya təhlükəsizlik zəmanəti verənlər əsasən Avropa ölkələri olacaq, lakin ABŞ onlara kömək etməyə hazırdır.
Bunu Amerika lideri Donald Tramp deyib.
"Əgər mən döyüş meydanındakı hərbi ölümləri dayandıra bilsəm, bu, Avropanın işidir, amma biz kömək edərik," – deyə, Tramp qeyd edib. O, Amerika əsgərlərinin Ukraynaya göndərilməyəcəyini vurğulayaraq, münaqişənin ABŞ müharibəsi olmadığını və bu məsələnin ona sələfindən miras qaldığını bildirib. "Mən sadəcə alovu söndürməyə çalışıram," – o əlavə edib.
