Rusiyanın Ryazan vilayətində barıt istehsalı zavodunda partlayışda üç nəfər ölüb.
Bu barədə Rusiya mətbuatı məlumat yayıb.
Şilov rayonunda yerləşən “Elastik” zavodunda partlayışda 20 nəfərin yaralandığı bildirilib.
***
13.20
Rusiyanın Ryazan vilayətində barıt istehsalı zavodunda yanğın və partlayış baş verib.
Yerli sakinlərin sözlərinə görə, hadisə bu gün saat 11:00 radələrində qeydə alınıb, güclü səs eşidilib və müəssisə üzərində tüstü müşahidə olunub.
Bildirilib ki, ən azı 3 nəfər xəsarət alıb.
İlkin məlumatlara əsasən, yanğının səbəbi PUA hücumu ilə bağlı deyil. Regionda pilotsuz uçuş aparatları təhlükəsi ilə bağlı həyəcan siqnalı verilməyib.
.
