"Bavariya"nın futbolçusu Erik-Maksim Çupo-Motinq yayda klubunu dəyişə bilər.
Yenizaman İdman.biz-ə istinadən xəbər verir ki, kamerunlu hücumçu "Barselona"nın maraq dairəsinə düşüb.
İspaniya klubu 34 yaşlı futbolçunu azad agent kimi ələ keçirmək istəyir. Mövsümün sonunda müqaviləsi başa çatacaq forvard digər klublardan da təkliflər alıb. O, İngiltərə, İtaliya və Səudiyyə Ərəbistanı təmsilçilərinin hədəfindədir.
Qeyd edək ki, Çupo-Motinq 2020-ci ilin oktyabrında PSJ-dən "Bavariya"ya azad agent kimi keçib.
.
