Azərbaycanda ara-sıra rast gəlinən personajlar insanı düşündürür: bu, real insandır, yoxsa mem? Kamil Şahverdi məhz belə bir insandır, karyerasının yeganə "uğuru" adı bəzən mühasibat hesabatlarında yer almasıdır və o, məşhur müğənninin kürəkənidir. Bu gün isə Polad Bülbüloğluna qarşı absurd cıxışlar etməklə meydana gəlib. Amma Polad Bülbüloğlu Azərbaycan üçün Şahverdinin "Space" telekanalının kassasından oğurlaya bildiyindən daha çox şey etmişdi.
Şahverdi kimdir? Sual ritorikdir. Əgər onun qalmaqal yaratmaq üçün son cəhdi olmasaydı, heç kim onu xatırlamazdı. Çünki onun tərcümeyi-halı karyera deyil, büdcəyə yaxın buraxılmamasının səbəblərinin siyahısıdır. O, "Space" telekanalının baş prodüseri olub, daha doğrusu, 2 milyon 400 min manatlıq kəsir ortaya çıxana qədər prodüser olub. 2400 yox, 24000 yox, 2,4 MİLYON manat pulu mənimsəyib! Təkcə bu məbləğ istənilən şərhdən daha çox şey ifadə edir. Bu səbəbdən telekanalın işçilərı təxminən 10 ay maaşlarını ala bilməyiblər. Üstəlik, maşınlar, avadanlıqlar və texnika yoxa çıxmışdı.
Bundan sonra o, "Space"dən qovuldu. Təsəvvür edin: telekanal idarə edə bilməyən bir adam Polad Bülbüloğlunun "milli kinonu necə məhv etdiyini" bildiyini elan edir. Bu, sadəcə yumor deyil. Bu, elmdə "tamamilə əsassız fantastik özünəinam" adlandırılan təkəbbür səviyyəsidir. Bu, mətbəxi yandıran aşpazın baş aşpazı soğanı düzgün doğramamaqda günahlandırması kimi bir şeydir. İndi isə Şahverdi "əxlaq hakimi" kimi davranmağa çalışır. Amma bu cür keçmişi olan bir adam əxlaqdan danışanda, bu, fil yeyən birinin pəhriz haqqında mühazirəsi kimi səslənir.
Ən qəribəsi odur ki, işçilərin pullarını mənimsəyən bir adam şah əsərlər yaradan, beynəlxalq mədəni əlaqələri inkişaf etdirən, türk inteqrasiyasının simvolu olan və dövlətimizi (nəzəri olaraq belə Şahverdinin əlçatmaz səviyyədə) təmsil edən bir insana mədəni siyasət haqqında moizə oxumağa cəhd edir. Sözügedən “prodüser” heç bir nailiyyət əldə etməyib. Bunu özü də cox yaxhı bilir. Buna görə də başqalarına daş atır kı, diqqət çəksin. Axı, nailiyyətlər olmayanda qışqırmaq, hörmət olmayanda isə qalmaqal yaratmaq, böhtan atmaq lazımdır. Amma həqiqət həmişə (maliyyə auditi kimi) gözlənilmədən, amma tam vaxtında ortaya çıxır.
İstedad sənətdə öz izini qoyur. Dürüstlük insanların yaddaşında həkk olunur. Oğurluq isə audit hesabatlarında əks olunur. Şahverdi bir vaxtlar prodüser idisə, bu gün rol oynayır. Amma onun rolu komikdir...
Z. RƏSULZADƏ
.
