Dövlət Proqramının icrası üçün 2022-2026-cı illərdə təqibən 32 mlrd. manat məbləğində vəsait tələb olunur. 2021-2023-cü illərdə dövlət büdcəsindən bu məqsədə 12,1 mlrd. manat vəsait ayrılıb.
Bu barədə Nazirlər Kabinetinin 2023-cü ildə fəaliyyəti haqqında hesabatda bildirilir.
Hesabatda bildirilir ki, 2023-cü ildə də işğaldan azad edilmiş ərazilərin yenidən qurulması, bərpası və ölkə iqtisadiyyatına reinteqrasiyası istiqamətində işlər sürətlə davam etdirilmiş, bu ərazilərdə Azərbaycan Ordusunun, fövqəladə hallar, təhlükəsizlik orqanlarının fəaliyyətinin təmin edilməsi, ərazilərdə minatəmizləmə tədbirlərinin təşkil olunması, habele su, elektrik enerjisi, qaz və istilik təchizatı, həmçinin yol infrastrukturunun qunulması, təhsil, səhiyyə, idman, mədəniyyət obyektlərinin tikintisi, azad olunmuş ərazilərdə əhalinin mərhələlərlə maliyyələşdirilməsi təmin olunub.
Ötən il dövlət büdcəsindən azad edilmiş ərzilərin yenidən qurulması üçün 5 milyard 588 milyon manat vəsait ayrılıb.
Azad edilən ərazilərdə 2022-2023-cü illərdə 84.4 min hektar sahədə taxıl əkin işləri həyata keçirilib
İşğaldan azad edilən ərazilərdə 2022-2023-cü təsərrüfat ili üzrə 84.4 min hektar sahədə payızlıq taxıl əkin işləri həyata keçirilib.
Bu barədə Nazirlər Kabinetinin 2023-cü ildə fəaliyyəti haqqında hesabatda bildirilir.
Qeyd olunub ki,"Azərbaycan Respublikasının işğaldan azad edilmiş ərazilərində kənd təsərrüfatı təyinatlı torpaqların idarə edilməsi ilə bağlı bəzi məsələlər haqqında" Azərbaycan Respublikası Prezidentinin 2021-ci il 27 aprel tarixli 1323 nömrəli Fərmanının icrası çərçivəsində aqrar sahədə fəaliyyət göstərən subyektlərlə Zəngilan rayonunda 2,2 min hektar (o cümlədən 720 hektar örüş), Qubadlı rayonunda 2 min hektar əkin sahəsi üzrə uzunmüddətli (40 il), digər sahələr üzrə isə qısamüddətli (11 ay) icarə müqavilələri bağlanılıb. 2022-2023-ci təsərrüfat ilində icarəyə verilən 68,5 min hektar əkin sahəsi üzrə icarə müqavilələrinin müddəti 2023-ci ilin noyabr ayında başa çatdığı üçün müqavilələrə xitam verilib. 2023-2024-cü təsərrüfat ili üzrə qısamüddətli icarə müqavilələri bağlanılıb.
Qeyd edilən ərazilərin kənd təsərrüfatı potensialının dəqiqləşdirilməsi məqsədilə faktiki əkin yerlərinin və çoxillik Malumatlar Bazasına daxil edilərək xəritələnməsi təmin edilib.
.
