ABŞ Dövlət Departamenti 75 ölkənin vətəndaşları üçün vizaların verilməsini dayandırır.
Bu barədə “Fox News” məlumat yayıb.
Məlumata görə, bu ölkələr sırasında Somali, İran, Əfqanıstan, Braziliya, Nigeriya və Tailand kimi ölkələrlə yanaşı Rusiya da var.
“Fox News”un xəbərinə görə, bu qərar “müraciət edənlərin daha ciddi yoxlanması” çərçivəsində qəbul olunub və 21 yanvardan qüvvəyə minəcək.
Dövlət Departamentinin memorandumuna əsasən, konsulluq əməkdaşları mövcud qanunvericiliyə uyğun olaraq vizaları rədd etməli, eyni zamanda müraciət edənlərin yoxlanması və qiymətləndirilməsi prosedurlarını yenidən nəzərdən keçirməlidir.
Qərarın tətbiqi müəyyən edilən vaxtdan sonra davam edəcək və vizaların emalı Departament tərəfindən yenidən qiymətləndirilənədək dayandırılacaq.
.
