“Qəti şəkildə bildirmək istəyirəm ki, karantin qaydalarının yumşaldılması şəraitində qətiyyən kütləvi yığıncaqlar keçirmək və toplaşmaq halları olmaz”.
Bunu Ümumdünya Səhiyyə Təşkilatının (ÜST) COVID-19 üzrə sözçüsü Marqaret Harris Azərbaycanda karantin rejiminin yumşaldılmasına münasibət bildirərkən deyib.
ÜST rəsmisinin sözlərinə görə, mütləq şəkildə şəxsi gigiyena qaydalarına əməl edilməlidir:
“Əsas önəmli olan odur ki, virusa yoluxmanın qarşısını alan amilləri biləsən. O amili ki, yoluxmanı azaldır. Bunu bilmək vacibdir. Çünki yoluxma artanda onun qarşısını almaq çətinləşir. Başqa amil isə nəzarətdir ki, yoluxmuş insanlarla sağlam insanlar bacardıqları qədər ünsiyyətdə olmasınlar. Mən potensial yoluxmuş insanları sağlam insanlardan təcrid etməyi əhəmiyyətli sayıram. Çünki karantin qaydaları yumşaldıqdan sonra insanların kütləvi şəkildə küçələrə axınının şahidi oluruq. Bu hal da sonradan kütləvi yoluxma ilə müşahidə olunur. Ona görə də belə yerlər mütləq şəkildə dezinfeksiya olunmalı və xüsusi təmizliyə riayət edilməlidir.”
ÜST: Çimərliklərdə ehtiyatlı olmaq lazımdır
“Koronavirusun sudan keçməsi halı ilə qarşılaşmamışıq”.
Bunu Ümumdünya Səhiyyə Təşkilatının (ÜST) COVID-19 üzrə sözçüsü Marqaret Harris deyib.
ÜST rəsmisi bununla yanaşı bildirib ki, insanlar suda olan zaman ağızlarının və gözlərinin suya toxunmamasına nəzarət etməlidirlər:
“Çünki əgər suda olmaq istəyirsənsə qurşağa qədər girmək olar. İnsanlar çalışsınlar ki, başları suya girəcək qədər suda olmasınlar. Həmçinin mütləq şəkildə sosial məsəfayə riayət etsinlər. Təmiz havada olmaq çox yaxşıdır. Amma sağlamlıqla istirahət etmək daha önəmlidir. Çünki virus öldürücüdür. Ona görə də insanların çox toplaşdığı çimərliklərdə ehtiyatlı olmaq lazımdır. İnsanların az olduğu çimərliklərdə çimmək lazımdır ki, virusa tutulmayasan”.
.
