Polkovnik-leytenant, şəhid Raquf Orucovun atası İbrahim Orucov insult keçirib. Bu barədə Qaynarinfo.az-a şəhidin qardaşı Zabil Orucov məlumat verib.
Z.Orucov deyib ki, atası dəfələrlə Raqufa "Milli Qəhrəman” adının verilməsi üçün aidiyyatı orqanlara müraciət edib və ancaq onu qəbul edən olmayıb.
Nəticədə şəhidin atası bu laqeyidsizlikdən narahat olaraq, insulut keçirib: "Artıq 20 günə yaxındır ki, insult keçirib, vəziyyəti ağırdır. Sumqayıt şəhərində 1 saylı yataqxanada yaşayırlar. Dəfələrlə özü Müdafiə Nazirliyinə gedib, orda isə yumşaq desək başdan edilib. Raqufa "Milli Qəhrəman” adını çox görürlər. Qapılarda gəzməkdən kişi ölümcül hala düşdü. İndi tək arzusu da elə budur”.
.
