Pakistanın Qulmin şəhərində polis avtomobilinin yanında baş verən partlayış nəticəsində hüquq-mühafizə orqanlarının üç əməkdaşı ölüb.
Bu barədə Pakistan KİV-i xəbər verir.
Məlumata görə, həlak olanlar arasında polis zabiti də var. Bir neçə nəfər yaralanıb və xəstəxanaya yerləşdirilib.
Qeyd olunur ki, bu, son 24 saat ərzində bu bölgədə baş verən ikinci partlayışdır. Daha əvvəl Qulmində nəzarət-buraxılış məntəqəsində özü düzəldilmiş partlayıcı qurğu işə düşüb. O zaman nəzarət-buraxılış məntəqəsinin yanındakı bina dağıdılıb, lakin xəsarət alanlar olmayıb.
.
