ABŞ Prezidenti Donald Tramp bir çoxlarının ondan 2028-ci ildə yenidən dövlət başçısı vəzifəsinə namizədliyini irəli sürməyi xahiş etdiyini və bunun üzərində düşünəcəyini bildirib.
Bu barədə Yenizaman TASS-a istinadən xəbər verir.
"Biz yenidən seçilmək istəyirik. Bir çox insan bunu etməyi məsləhət görür. Bu, çox çətin olsa da, üzərində düşünəcəyəm", - o, ABŞ-nin Qətərdəki Əl-Udeyd hərbi bazasında çıxışı zamanı bildirib.
ABŞ Konstitusiyasına 1951-ci ildə edilmiş 22-ci düzəlişə əsasən, eyni şəxs dövlət başçısı vəzifəsinə iki dəfədən çox seçilə bilməz. ABŞ-də növbəti prezident seçkiləri 2028-ci ildə keçiriləcək.
.
