Hindistanda şagirdləri daşıyan avtobusla yük maşını toqquşub.
AzNews.az "Times of India"ya istinadən xəbər verir ki, hadisə Hindistanın Uttar-Pradeş ştatının Etax bölgəsində baş verib.
Qəza nəticəsində azı 18 məktəbli ölüb, 40 nəfər isə yaralanıb. Şagirdlərin təhsil aldığı məktəbdə qeyri-sabit hava şəraiti ilə əlaqədar 3 gün tətli olması ilə bağlı elan verilsə də, həmin gün məktəb açıq olub.
Hadisə ilə bağlı araşdırma aparılır.
