Atom Enerjisi üzrə Beynəlxalq Agentliyinin baş direktoru Rafael Qrossi gələn həftə Zaporojye atom elektrik stansiyasına getməyi planlaşdırır.

Bu barədə Atom Enerjisi üzrə Beynəlxalq Agentliyinin (AEBA) saytında bildirilir.

Qeyd olunur ki, Qrossi ölkədə davam edən hərbi əməliyyatlar zamanı “obyektdəki nüvə təhlükəsizliyi ilə bağlı vəziyyətin ciddiliyini şəxsən qiymətləndirməli və onun qorunmasının təcili zəruriliyini vurğulamalı” olacaq.

Təşkilatın baş direktoru qeyd edib ki, o, "sentyabrdan bəri vəziyyətin necə dəyişdiyini görmək və bu görünməmiş və çox çətin şəraitdə obyekti işlədənlərlə danışmaq üçün yenidən Zaporojye AES-ə getməyə qərar verib".

"Ukraynadakı faciəvi müharibə zamanı nüvə qəzası riskini azaltmaq üçün əlimdən gələni etməyə davam edəcəyəm", - Qrossi deyib.

.