“Media subyektlərinin Reyestrə müraciət etməsi üçün 6 ay vaxtları var”.

Bunu Media Reyestri Xidmətinin rəhbəri Cahangir Həsənli canlı yayımda deyib.

O bildirib ki, 6 ay ərzində hazırda fəaliyyət göstərən media subyektləri Reyestrə müraciət etməlidir: “Ancaq yeni yaranacaq olan media subyetkləri bununla bağlı bir həftə əvvəldən bizə məlumat verməlidirlər”.

“Ali təhsili olmayan amma Media Reyestrinə daxil olmaq istəyən jurnalistlər üçün güzəşt nəzərdə tutulmayıb”.

MEDİA-nın Kommunikasiya şöbəsinin müdiri Səidə Şəfiyeva deyib ki, qeyd edilən şərtlərə cavab verən şəxslər Reyestrə müraciət edə bilər.

O həmçinin əlavə edib ki, ştatlı və ştatdankənar müxbir anlayışı artıq qüvvədən düşmüş KİV haqqında qanunda öz əksini tapmışdı:

“Ştatlı və ştatdankənar müxbir dedikdə əmək müqaviləsi ilə işləyən jurnalistlər nəzərdə tutulur. Yəni ştatdankənar demək mülki hüquq müqaviləsi ilə fəaliyyət göstərmək demək deyil. Əmək müqaviləsi bağlananda iki formada rəsmiləşdirilə bilər”.

.