Qəzza sektorunda hərbi əməliyyatlar "lazım olduğu qədər" davam etdirləcək.
Azvision.az-ın məlumatına görə, bu barədə İsrailin baş naziri Binyamin Netanyahu televiziya vasitəsilə xalqa müraciətində bildirib.
Baş nazirin sözlərinə görə, ədalətli müharibə ölkə vətəndaşları təhlükəsizlikdə olana qədər davam etdirləcək.
Netanyahu əlavə edib ki, bu münaqişəni ABŞ prezidenti Barak Obama ilə müzakirə edib və ona göstərdiyi dəstəyə görə təşəkkürünü bildirir.
İsrailin baş naziri ötən gün Qəzzada həlak olan 13 İsrail əsgərinin yaxınlarına da başsağlığı verib.
Qeyd edək ki, iyulun 8-də İsrail ordusu HƏMAS qruplaşmasına qarşı "Sarsılmaz Qaya” adlı hərbi əməliyyatın keçildiyini elan edib. Ümumilikdə, hərbi əməliyyatlar nəticəsində 501 fələstinli öldürülüb, daha 3135 nəfər isə yaralanıb.
.
