Özünü "İslam Dövləti” adlandıran "İraq və Şam İslam Dövləti" (İŞİD) terror qruplaşması İraqın Zumar yaşayış məntəqəsində daha 2 neft yatağını ələ keçirib.
"İTAR-TASS”-ın verdiyi xəbərə görə, bu barədə İraq Milli Xəbər Agentliyi məlumat yayıb.
Məlumata görə, bu rayonda sutkada 20 min barrelədək neft hasil olunur. Silahlılar həmçinin Mosul şəhərinin şimalında yerləşən bir neçə iri infrastruktur obyektləri ələ keçirməyə cəhd edib. Qızğın döyüşlər nəticəsində 100-dən çox terrorçu öldürülüb, 38-i saxlanılıb. Kürd özünümüdafiə dəstələrinin itkiləri 16 nəfər təşkil edib.
Bundan başqa, döyüşlərdə 30 polis, 11 hərbçi və könüllülərdən ibarət "Əsaib Əhl əl-Haq” dəstəsinin 12 üzvü həlak olub.
.
