Bugünkü görüş zamanı regional məsələlər ətrafında geniş müzakirələr aparıldı.

Bunu xarici işlər naziri Ceyhun Bayramov Belçikanın xarici işlər naziri Hadca Labibi ilə brifinqi zamanı deyib.

“Tərəfimizdən post-münaqişə dövründə bölgədə yaranmış yeni imkanlar barədə Azərbaycan dövlətinin baxışları xanım nazirin diqqətinə çatdırıldı. Ermənistan-Azərbaycan arasında sülh müqaviləsinin bağlanması məsələsində atılan addımlarının məhz Azərbaycan liderinin təşəbbüsü olması, 2022-ci ildə sülh müqaviləsinin özəyini təşkil edən 5 baza prinsipinin məhz Azərbaycan tərəfindən təqdim edilməsi, 2022-ci ilin oktyabrında danışıqların birinci raundunda məhz Azərbaycan tərəfindən sülh müqaviləsinin ilkin layihəsinin hazırlanması və təqdim olunması diqqətə çatdırıldı”, - nazir əlavə edib.
Ceyhun Bayramovun sözlərinə görə vacib məqam ondan ibarətdir ki, işğal faktına son qoyulandan sonra beynəlxalq hüququn norma və prinsiplərinə uyğun şəkildə ölkələrin qarşılıqlı olaraq ərazi bütövlüyünə və suverenliyinə hörməti yalnız sözdə və bəyanatlarda deyil, o cümlədən real danışıqlarda əksini tapması prosesin irəliləməsi üçün önəm kəsb edir.

“Azərbaycan tərəfi bu istiqamətdə bütün zəruri addımları atır”, - nazır əlavə edib.

XİN: Ermənistanın öhdəliklərindən biri Azərbaycanla Naxçıvan arasında kommunikasiyaların açılmasıdır

Təbii ki, biz post-münaqişə mövzusunda danışarkən digər istiqamətlərdə aparılan layihələr və danışıqlar barədə də fikir mübadiləsi apardıq.

Bunu xarici işlər naziri Ceyhun Bayramov Belçikanın xarici işlər naziri Hadca Labibi ilə brifinqi zamanı deyib.

“Üçtərəfli bəyanatda nəzərdə tutulduğu kimi, Ermənistanın bir sıra öhdəlikləri diqqətə çatdırıldı. Hansı ki bunlardan nəqliyyat-kommunikasiyaların açılması, Azərbaycanla Naxçıvan arasında kommunikasiyaların açılması əsas məqamlardan biridir. Bu istiqamətdə iki il yarım gedən danışıqlarda bəlli bir irəliləyiş olsa da, Ermənistanın qeyri-konstruktik mövqeyi tam nəticə əldə etməyə imkan vermir”, - nazir əlavə edib.

Nazir: Azərbaycan Ermənistanla delimitasiya prosesinin sürətlənməsinin və aydınlaşmasının tərəfdarıdır

“Azərbaycan və Ermənistan sərhədlərinin delimitasiyası prosesi barədə də xanım nazirə məlumat verdim”.

Bunu Azərbaycanın xarici işlər naziri Ceyhun Bayramovla Bakıda belçikalı həmkarı Hadca Labib ilə görüşdən sonra keçirilən brifinqdə deyib.

“Qeyd etdim ki, 30 il ərzində iki qonşu arasında delimitasiya prosesinə başlamaq imkanı olmayıb. Bunun da səbəbi Ermənistanın işğalçı siyasəti və Azərbaycan ərazisinin 400 km-lik sərhədinin işğal altında qalması idi. Vətən müharibəsindən sonra delimitasiya prosesinə start vermək şansı yaranıb. Azərbaycan tərəfinin təşəbbüsü ilə 2022-ci ildə iki dövlət tərəfindən komissiya yaradılıb və bir sıra görüşlər keçirilib. Azərbaycan tərəfi prosesin sürətlənməsinin və aydınlaşmasının tərəfdarıdır. Sözsüz ki, beynəlxalq hüququn norma və prinsiplərini qorumaq şərti ilə...” - nazir qeyd edib.

Ceyhun Bayramov Azərbaycanın erməni əsilli vətəndaşlarının reinteqrasiya prosesi barədə Belçika nazirinə məlumat verib

Azərbaycan Respublikasının Azərbaycan ərazisində yaşayan erməni əsilli vətəndaşların Azərbaycanın siyasi, iqtisadi və sosial sahələrinə reinteqrasiya prosesi barədə də xanım nazirə məlumat verdim.

Bunu xarici işlər naziri Ceyhun Bayramov Belçikanın xarici işlər naziri Hadca Labibi ilə brifinqi zamanı deyib.

“Eyni zamanda, Azərbaycan tərəfindən atılan konkret addımlar, xüsusi nümayəndənin təyin edilməsi, həmin nümayəndənin Qarabağ İqtisadi Regionuna gedərək görüş keçirməsi, həmçinin bu tip ikinci görüşün Azərbaycanın digər bir şəhərində keçirilməsi təklifinin dəfələrlə edilməsi də görüş zamanı diqqətə çatdırılıb”, - nazir qeyd edib.

.