“Biz xanım nazirlə həm təkbətək, həm də geniş tərkibli görüş zamanı iki ölkə, Azərbaycan və Avropa İttifaqı arasında olan münasibətlər və layihələr, eyni zamanda regional məsələlər ətrafında fikir mübadiləsi apardıq”.
Bunu xarici işlər naziri Ceyhun Bayramov Belçikanın xarici işlər naziri Hadca Labibi ilə brifinqi zamanı deyib.
“Çoxtərəfli platformalarda ölkələrimiz, o cümlədən BMT və onun təsisatları, ATƏT, Aİ, AŞ və sair təşkilatlar çərçivəsində də faydalı əməkdaşlıq həyata keçirirlər”, - nazir əlavə edib.
Ceyhun Bayramov: Belçikadan Azərbaycana qoyulan investisiya 120 milyon ABŞ dolları həcmindədir
Belçikadan Azərbaycana qoyulan investisiya 120 milyon, Azərbaycandan Belçikaya qoyulan investisiya isə 250 milyon ABŞ dolları həcmindədir.
Bunu xarici işlər naziri Ceyhun Bayramov Belçikanın xarici işlər naziri Hadca Labibi ilə brifinqi zamanı deyib.
“Biz bugünkü müzakirələrimiz çərçivəsində Azərbaycanla Aİ arasında bir sıra sahələrdə strateji əməkdaşlıq barədə müzakirələr apardıq. Burada, təbii ki, Azərbaycanın son illər ərzində Aİ-nin və üzv ölkələrin enerji təhlükəsizliyində artan rolu, yeni icra olunan layihələr ətrafında fikir mübadiləsi oldu”, - nazri deyib.
