"Akademik Milli Dram Teatrının sabiq aktyoru Hikmət Rəhimovu teatrlar üçün tapıntı hesab edirəm.”
AzNews.az xəbər verir ki, bunu bəstəkar Aygün Səmədzadə aktyor Hikmət Rəhimovun Akademik Milli Dram Teatrının səhnəsindən qovulmasına münasibətində deyib. O, aktyoru musiqisini yazdığı iki tamaşada-Elçinin ”Qatil” və Cavidin "Əmr Teymur”un kəşf etdiyini bildirib: "Mənim düşüncəmdən asılı olmadan elədir ki var. Hikmət Rəhimov son aylar adı yaratdığı gözəl obrazlarla deyil, şişirdilmiş qalmaqlarlla mətbuatda hallanan sənət adamı. Niyə belə olur, görəsən? Niyə istedadlı adamların qayğısını çəkib irəli aparmaqdansa qayğılara qərq edib geri çəkmək istəyirlər? Axı bundan sənət, səhnə, biz itiririksə, sizə xeyri nə? Sənətə peşəkar münasibət şəxsi münasibətləri hər bir halda üstələməlidir. Və bu alınmırsa, səhnəsi kiçik daxili böyük teatrlardan da parlmaq olar. Məqsət sənətə xidmətdirsə.”
Aygün Səmədzadə hesab edir ki, istənilən halda məqsədin son səbəbi yaşamaq uğrunda mübarizədir: "Sənət adamları təkcə yaşamaq uğrunda deyil, sənət uğrunda gedən mübarizədə qalib görmək arzusu ilə.”
Bir müddət bundan əvvəl "Azdrama”nın sabiq aktyoru Hikmət Rəhimovla teatrın rejissoru arasında gərginlik yaranmışdı. Bu hadisədən sonra teatrın direktoru, Xalq artisti Azər Paşa Nemətov aktyoru teatrdan uzaqlaşdırmışdı. Xalq artisti Fuad Poladov isə direktorun bu hərəkətinə etiraz əlaməti olaraq mədəniyyət ocağından istefa verdi.
