Qırğızıstanın birinci xanımı Aygül Japarova dörd ölkənin birinci xanımlarını qırğız mədəniyyəti ilə tanış edib.
"24.kg" xəbər verir ki, Aygül Japarova ilə birlikdə Bişkekdə unikal əl işləri sərgisinə Azərbaycanın birinci xanımı Mehriban Əliyeva, Çinin birinci xanımı Pen Liyuan, Türkiyənin birinci xanımı Eminə Ərdoğan və Özbəkistanın birinci xanımı Ziroatxon Mirziyoyeva baş çəkiblər.
Sərgidən sonra qonaqlar üçün konsert proqramı təşkil olunub. Uşaq yaradıcılıq kollektivlərinin ifasında musiqi əsərləri səsləndirilib.
Qeyd edək ki, müxtəlif ölkələrdən nümayəndə heyətləri ŞƏT-in iclası və Ümumdünya Köçəri Oyunları çərçivəsində Qırğızıstana səfər ediblər.
.
