11-ci sinif şagirdi Fərrux Əsədlinin sevgisinə görə intihar etdiyi məlum olub.
Abşeron Rayon Polis İdarəsindən salamnews-a verilən məlumata görə, şəhər 1 saylı orta məktəbinin şagirdi olan F.Əsədlinin intihar etməsinə səbəb sevdiyi qızdan rədd cavabı alması olub. İntihar edən məktəblinin üzərindən sevdiyi qıza yazdığı məktub çıxıb.
Qeyd edək ki, intihar edən yeniyetmənin valideynləri əslən Qubadlı rayonundandırlar.
Faktla bağlı Abşeron Rayon Prokurorluğunda 125-ci (özünü öldürmə həddinə çatdırma) maddəsi ilə cinayət işi başlanıb.
***
10:42
Xırdalan şəhərindəki 1 saylı orta məktəbin 11-ci sinif şagirdi Fərrux Əsədlinin intihar faktının bəzi təfərrüatları məlum olub.
Xırdalan, 1 saylı orta məktəbdən AzNews.az-a verilən məlumata görə, Fərrux Əsədli dərslərini yaxşı oxuyan şagird olub:
"Fərrux məktəbin ən yaxşı nümünəvi şagirdlərindən biridir. Dərslərini yaxşı oxuyurdu, Bundan əlavə, dərsə davamiyyəti də yaxşı idi. Onun belə hərəkəti bizə də maraqlıdır. Bu günə kimi səhhətində hər hansı psixoloji problem olmayıb.”
Müəllimlər hadisənin dərsdən sonra baş verdiyini vurğulayıb: "Hadisə evlərində olub.”
Abşeronda intihar hadisəsi baş verib. Xırdalan şəhər sakini, 2000-ci il təvəllüdlü Fərrux Əsədli özünü yaşadığı Rəsulzadə küçəsindəki 1 saylı binanın damından atıb.
