:
RU   AZ
  • Font size:
  • Decrease
  • Reset
  • Increase

Rusiyanın Müdafiə naziri Xəlifə Haftarla görüşüb

Font

Rusiyanın Müdafiə naziri ordu generalı Sergey Şoyqu Liviya Milli Ordusunun rəhbəri marşal Xəlifə Haftarla görüşüb.

Rusiya Müdafiə Nazirliyinin (MN) mətbuat xidməti verdiyi məlumata görə, S. Şoyqu və X. Haftar Liviyadakı vəziyyəti müzakirə ediblər.

Görüşdə Moskvada yanvarın 13-də keçirilən danışıqların atəşkəs rejiminin əldə olunmasında və ölkədə vəziyyətin normallaşmağa başlanmasındakı vacib rolu qeyd olunub.

"Şoyqu və Haftar Liviya ilə bağlı Berlin konfransının qərarlarının icra olunmasının vacibliyini təsdiq ediblər. Tərəflər bir daha Liviyada böhranın nizamlanmasının siyasi yolla həllinə alternativ olmadığını, eləcə də Liviyanın müstəqilliyinə və ərazi bütövlüyünə bağlılıqlarını qeyd ediblər", - deyə Rusiya MN-in məlumatında bildirilib.