:
RU   AZ
  • Font size:
  • Decrease
  • Reset
  • Increase

Rövnəq Abdullayev AFFA prezidenti seçilib

Font

AFFA-nın prezident seçkiləri keçirilib.

Qurumun rəhbəri assosiasiyanın bu gün keçirilən növbəti Konfransında seçilib.
 
"Bulvar otel”də baş tutan tədbirdə Rövnəq Abdullayev yenidən AFFA-nın prezidenti olub. Seçkilərdə yeganə namizəd olan qurum rəhbəri 2024-cü ilə qədər ölkə futboluna rəhbərlik edəcək.

 O, 4-cü dəfə bu vəzifədə çalışacaq. İlk dəfə 2008-ci ildə AFFA-nın prezidenti seçilən R.Abdullayev 2012-ci və 2016-cı illərdə Konfransın etimadını qazanıb.
 
Qeyd edək ki, R.Abdullayev AFFA-nın sayca 3-cü prezidentidir. Ona qədər Fuad Musayev (1992-2003) və Ramiz Mirzəyev (2003-2007) qurumun rəhbəri olub.

AFFA-nın İcraiyyə Komitəsinin heyəti müəyyənləşib

AFFA-nın İcraiyyə Komitəsinin yeni tərkibi müəyyənləşib.

İcraiyyə Komitəsinə seçkilərdən sonra burada yer alacaq 13 nəfər müəyyənləşib. Bunadək 11 nəfərdən olan komitənin daha geniş tərkibli ilk heyətində AFFA-nın prezidenti və Konfransın seçdiyi 12 şəxs yer alıb.

Bunlar namizədliyi öncədən verilən nümayəndələrdir. Seçkidən öncə namizəd olanların hamısı Konfrans tərəfindən komitəyə daxil edilib.

İcraiyyə Komitəsinin tarixində ilk dəfə burada qadın üzv də olacaq. Bu, Könül Mehtiyevadır.

Həmçinin Elxan Məmmədov da komitədə yeni üzv olub. Uzun illər AFFA-nın baş katibi olan qurum rəsmisi bundan sonra İcraiyyə Komitəsində də yer alacaq.

K.Mehtiyeva və E.Məmmədova ilə yanaşı, komitədə daha bir yeni ad var. Bu, Gənclər və İdman Nazirliyinin idman şöbəsinin müdiri, güləş üzrə olimpiya çempionu Fərid Mansurovdur. Əvvəlki heyətdən isə yalnız Qurban Qurbanov kənarda qalıb.

İcraiyyə Komitəsinin üzvləri

AFFA prezidenti

Rövnəq Abdullayev

Regional Futbol Federasiyaları İctimai Birliyi – 3 yer

1. İsgəndər Cavadov – Qərb Regional Futbol Federasiyası tərəfindən

2. Kazbek Tuayev – Regional Futbol Federasiyaları İctimai Birliyi tərəfindən

3. Elxan Məmmədov – Şimal Regional Futbol Federasiyası tərəfindən

Peşəkar Futbol Liqası İctimai Birliyi – 5 yer

1. Zaur Axundov – "Keşlə” FK tərəfindən

2. Rauf Əliyev – "Səbail” FK tərəfindən

3. Vaqif Sadıqov – "Sumqayıt” FK tərəfindən

4. Elşad Nəsirov – "Neftçi” PFK tərəfindən

5. Fərid Mansurov – Peşəkar Futbol Liqası İctimai Birliyi tərəfindən

Sahə Futbol Federasiyaları İctimai Birliyi – 2 yer

1. Firudin Qurbanov – Tələbə Futbol Federasiyası tərəfindən

2. Mahir Məmmədov – Futzal Federasiyası tərəfindən

İctimai Futbol Təşkilatları İctimai Birliyi – 2 yer

1. Elmar Məmmədyarov – Ümumazərbaycan Futbolsevərlər Birliyi tərəfindən

2. Könül Mehtiyeva – İctimai Futbol Təşkilatları İctimai Birliyi tərəfindən