:
RU   AZ
  • Font size:
  • Decrease
  • Reset
  • Increase

"İnterpol" daha bir azərbaycanlı mühaciri saxlayıb

Font

Avropaya sığınan daha bir azərbaycanlı mühaciri "İnterpol" saxlayıb.

Azərbaycanlı mühacir Daşqın Ağalarlı Azərbaycan polisinin sorğusu əsasında "İnterpol" tərəfindən Polşanın Qdansk aeroportunda saxlanılıb.

Onun Azərbaycana ekstradisiya ediləcəyi gözlənilir.

Qeyd edək ki, ötən gün Almaniya polisi əcnəbilərə qarşı reyd keçirib. Rostok şəhər dəmiryolu vağzalında keçirilən reyd zamanı Makedoniya, Əfqanıstan, İraq, Suriya, Çili və Azərbaycan vətəndaşları olan 19 əcnəbi saxlanılıb. Onların sənədlərinin qaydasında olmadığı müəyyən edilib.

Xatırladaq ki, ötən ilin noyabr ayında Almaniyanın hüquq-mühafizə orqanları Azərbaycanın müxalifət partiyasının keçmiş üzvlərini saxlayıb. Cinayətkar şəbəkəyə daxil olan 7 nəfər həbs edilib. Cinayətkar dəstənin saxlanılan üzvləri barəsində yerli federal məhkəmələr tərəfindən 6 ay müddətinə həbs qətimkan tədbiri seçilib.

Onlar Ədliyyə Nazirliyi Penitensiar Xidmətinin 9 və 14 saylı məntəqə tipli cəzaçəkmə müəssisələrinin sabiq rəisi Elçin Əkbərov, Müsavat Partiyası Avropa Koordinasiya Mərkəzinin (Müsavat AKM) sədri, Kəlbəcər rayonunun sabiq icra başçısı İlham Həsən, Müsavat partiyasının üzvü, Müsavat AKM sədrinin müavini Mehdi Xəlilbəyli, Müsavat AKM-in üzvü Abdin Cavadov, sabiq deputat Sabir Rüstəmxanlının qardaşı, "Leqat" inteqrasiya mərkəzinin rəhbəri, sabiq polis rəisi Əlövsət Əliyev, Mehdi Xəlilbəylinin sürücüsü Rəşad Məmmədov, Müsavat Partiyasının üzvü Elşən Abdullayevdir.

Məlum olub ki, həbs edilənlər Almaniyada "miqrant alveri" ilə məşğul olmaqda , o cümlədən 3-10 min avro arası ödəmə qarşılığında insanları qaçaq yollarla Almaniyaya aparmaqda şübhəli bilinirlər.