:
RU   AZ
  • Font size:
  • Decrease
  • Reset
  • Increase

Yol polisindən Bakının mərkəzindəki dəhşətli qəza ilə bağlı açıqlama

Font

Bakı Şəhər Baş Polis İdarəsi Nəsimi rayonunda baş vermiş yol qəzasının təfərrüatlarını açıqlayıb.

Bakı Şəhər Baş Polis İdarəsinin Dövlət Yol Polis İdarəsinin bölmə rəisi, polis polkovniki Vaqif Əsədov salamnews-a açıqlamasında bildirib ki, hadisə dünən səhər saat 10:19-da baş verib:

"Rəşid Behbudov küçəsi ilə hərəkət edən "MG" markarlı 90-NV-350 dövlət nömrə nişanlı avtomobili idarə edən 1971-ci il təvəllüdlü, Xətai rayon sakini Əmiraslanov Ramiz Nəcəfqulu oğlu sükan arxasında qəfil ürək tutmasından vəfat edib. Avtomobil hərəkətdə olduğu üçün Şəmsi Bədəlbəyli küçəsində piyada zolağı ilə hərəkət edən pyadaları vuraraq qarşıda 5 nömrəli avtobusa çırpılaraq dayanıb. Hadisə zamanı bir xanım piyada yerindəcə həlak olub, 2 nəfər isə ağır yaralanıb".

İdarə rəsmisi, həmçinin əlavə edib ki, hadisə ilə bağlı Nəsimi Polis İdarəsində araşdırma aparılır.