:
RU   AZ
  • Font size:
  • Decrease
  • Reset
  • Increase

Samir Şərifov: "Problemli kreditlərlə bağlı maliyyələşmə mexanizmləri hazırdır"

Font

"Azərbaycanda problemli kreditlərin həlli ilə bağlı Prezident İlham Əliyevin imzaladığı fərmanda nəzərdə tutulmuş bütün işlər həyata keçirilir, Maliyyə Bazarlarına Nəzarət Palatası banklarla bu istiqamətdə iş aparır".

Bunu maliyyə naziri Samir Şərifov jurnalistlərə açıqlamasında deyib.

"Hazırda kreditlərin məbləği, sayı dəqiqləşdirilir. Bunun əsasında da müvafiq işlər başlanacaq və normal qaydada ödənişlər həyata keçiriləcək. Maliyyələşmə ilə bağlı mexanizm praktiki olaraq hazırdır. Burada hər hansı bir problem görünmür. Maliyyə Nazirliyində qaynar xətt yaradılıb, suallara cavab verilir. Bütün əsas məsələlər artıq öz həllini tapıb”, - nazir qeyd edib.

"Maliyyə Nazirliyində xidməti nəqliyyat vasitəsi ilə təmin edilməli olan vəzifəli şəxslərin siyahısı ilə bağlı təkliflərə baxılır və bu istiqamətdə nazirlik də təkliflər hazırlayıb”.

Bunu da jurnalistlərə açıqlamasında nazir Samir Şərifov bildirib.

Onun sözlərinə görə, sözügedən siyahı ilə bağlı son qərar hələlik qəbul olunmayıb.

"Bu qərarı qəbul etmək Maliyyə Nazirliyinin səlahiyyətində deyil” - o deyib.