:
RU   AZ
  • Font size:
  • Decrease
  • Reset
  • Increase

"Neolit"ə silahlı hücum oldu: 10 nəfər yaralanıb - VİDEO

Font

Moskvanın cənub-şərqində yerləşən kafedə atışma ilə müşayiət olunan kütləvi dava zamanı azı 10 nəfər xəsarət alıb.

Hadisə ilə əlaqədar olaraq 20 nəfər saxlanılıb.

İnsident fevralın 14-ü saat 23:00 radələrində, Moskvanın Peçatniki rayonunun Kuryanova küçəsi, ev 28 ünvanında, azərbaycanlı Yaşar Əliyevə məxsus "Neolit" kafesində baş verib.

Hadisə zamanı restoranda Valentin günü münasibəti ilə xeyli sayda müştəri olub. Kənardan müəssisəyə gələn Çeçen mənşəli şəxslər kafedəki müştəriləri bayıra çıxartdıqdan sonra, əllərində bıçaq və travmatik tapança ilə içəri daxil olublar. Davada təqribən 70-100 nəfər iştirak edib.

Atışma və kütləvi davadan sonra onlar hadisə yerindən avtomobillərlə qaçıblar. Canilər gedərkən müşahidə kameralarındakı qeydləri də özləri ilə aparıblar.



"Kafedəki silahlı insidentdən sonra, rayon içində də atışma oldu. Azərbaycanlılar onları maşınlarla təqib edərək atəş açırdılar", - deyən hadisə şahidi Nəsimi Məmmədəliyev "Neolit" kafesinin dağıdıldığını və azərbaycanlıların əmlaklarına ciddi ziyan dəydiyini bildirib.

Şahidlərin məlumatına görə, restoran sahibi Yaşar Əliyev də kürəyindən yaralanıb. Yerli sakinlər təqribən 50 atəş səsi eşidiblər.

Daha sonra Moskvada yol kənarından hadisəni törədən şəxslərin minərək oradan uzaqlaşdığı iki avtomobil aşkar edilib. Avtomobillərdən biri taksi olub. Maşınlar təxliyyə edilib.

Başqa bir hadisə iştirakçısı insidentin çoxdankı münaqişənin davamı olduğunu deyib:

"Bu çoxdankı söhbətdir, münaqişənin davamıdır. Hücum edənlərin məqsədi restoranın sahibi Yaşar Əliyev olub. Heç kim nə baş verəcəyini bilmirdi".

Moskva polisi paytaxtın cənub-şərqində kütləvi dava ilə bağlı araşdırmalara başlayıb.

Kuryanov mikrorayonu ərazisində yerləşən "Neolit" kafesinə hücum edən 100-ə yaxın şəxsdən artıq 20-si saxlanılıb. İnsident zamanı ən azı bir nəfər öldürülüb.

Dava baş verən ərazidə güllə gilizləri tapılıb. Bu informasiyanı ətrafda yaşayan qonşular təsdiq edib.

Hadisə şahidi Andrey Andreyev bildirib ki, atışma səsləri eşidilirdi: "Evin arxasında güllələnmə oldu. Sonra 30-dan çox insan ərazidən qaçmağa başladı. Deyəsən avtomatla güllələyirdilər".

Atışmadan sonra polis gücləndirilmiş iş rejiminə keçib. Kuryanov mikrorayonunda giriş və çıxış nəzarətdə saxlanılır.

Qeyd edək ki, ötən gün Alixan adlı şəxsin azərbaycanlılar tərəfindən döyülərək cəzalandırdığını əks etdirən görüntülər yayılıb. Bu hadisədən sonra çeçenlər Alixanı döyən azərbaycanlıların axtarışına başlayıb.